వెండి వెన్నెల- ఆరు హైకులు

మంచు రేణువు
పచ్చని చిగురాకు
హైకు మెరుస్తూ ..!
.........................
ఏటి అలలు
చిరుగాలి పాటలు
హైకు చేరింది.
.........................
గోరింటాకు
పాప చిట్టి చేతులు
హైకు పండింది.
.......................
వెండి వెన్నెల
చల్లని రాత్రి జోల
నిద్రలో హైకు.
....................
అక్షరాలకి
కవిత్వాన్ని అద్దితే
వచ్చింది హైకు.
....................
అ ఆ యి ఈ లు
దిద్దుకుంటున్న పాప
కావ్యమై హైకు.
........................
అక్షరాలకి
కవిత్వాన్ని అద్దితే
వచ్చింది హైకు.
......................

బాల్యం..

బాల్యం
నేను చాన్నేళ్ళ క్రితం
పారేసుకున్న బొమ్మ.
--------------
జీవన కావ్యం
మొదలయింది
ముందుమాట బాల్యానిదే ..!
---------------
బాబుకి
అంతా నాపోలికే ..
నా బాల్యం నన్నల్లుకుంటోంది.
--------------------

తెగిన చెప్పు..!

తెగిన చెప్పు..!
నా బ్యాంకు బాలన్సుని
తెగ చెప్తోంది.
---------------
తెగిన చెప్పు
ఎన్ని కుట్లు పడినా
బాధపడదు.
--------------------
తెగిన చెప్పు
ఆమె నవ్వి లోపల
విడవమంది .
-------------

ఆమె మరీను.!

ఆమె మరీనూ..!
కొన్ని అక్షరాల్నిచ్చి
హైకు ఇమ్మంది.
-------------
ఆమె వెళ్ళింది
కొన్ని చరణాలకి
పల్లవి నిచ్చి.
--------------
ఆమె రాలేదు
ఇప్పుడు కవిత్వంగా
ఉన్నట్లు ఉంది.
---------------

గది లోపల..!

అంతపెద్ద ఆకాశంనించి
చందమామను దించి
కొన్ని నక్షత్రాలను తుంచి
పాపాయికివ్వలనుకున్నా .!
.....అర్ధరాత్రి వెళ్లి చూస్తే
అసలు ఆకాశమే లేదు ..
తీరా నా గదిలోపల కెళ్ళి చూస్తే
పాపాయి ఆడుకుంటోంది
చందమామతోనూ
కోటి నక్షత్రాలతోనూ..!

మరికొన్ని మల్లెలు..!

నేల రాలాయి
తీగచాటు మల్లెలు
తీరింది ఋణం.!
----------------
ఒంటరి మొక్క
ఒక్క మొగ్గను వేసి
తెగ పూస్తోంది .
------------
మల్లె రాలింది
మనసదోలా ఉంది
మొగ్గ-ఓదార్పు.
-------------

కొన్ని మల్లెలు..!

మల్లెనవ్వింది
ఆమెమళ్ళీనవ్వింది
బావుందీ రోజు..!
-----------
మల్లెలువిచ్చి
కవికేదో ఇచ్చాయి
హైకూలు నచ్చి..!
-------------
తీగ సాగుతూ
దేన్నో వెతుకుతోంది
మొగ్గ నవ్వింది.
---------