Sunday, August 21, 2011

ఒక మూడు

1-------పిట్ట
నీలి ఆకాశం -నా రెక్కల కష్టం
ఈ నేల- నా కాళ్ళకంటినమట్టి .
2 ------పువ్వు
ఈ వనం - నా హృదయ గీతం
వసంతం-నే రాసుకున్న కవిత్వం.
౩. --------పడవ
అల -అమ్మ అరచేయి
ఈ ప్రవాహం -నేను దాచుకున్న ప్రాణం.

Tuesday, August 9, 2011

'మో' గిన శబ్దం

'మో' ఒక నిర్లిప్త సంధ్య
సందిగ్ధ సాయంకాలం
స్పష్టాతీత స్పష్టం
దిగులు లోగిలి
దాగిన తీగ
సహృదయ వృత్తం
కొండచరియల ఛాయ
ఆపేక్ష క్షేత్ర
వెన్నెల కుంపటి
స్వప్న సంపుటి
సంక్లిష్ట శైలి
సంచలన కరచాలనం
పర్వదిన సంరంభం
పునరపి చరణం
విలయానంతర మౌనం
అపార పారవశ్య వాక్యం
వ్యక్తావ్యక్త పద లాలిత్యం
పునరుత్థాన కవనం
'మో'గిన శబ్దం