ఆమె ఎవరు..?

ఆమె ఎవరు..?
ఇంనిన్ని భావాలకు
ఊపిరి పోస్తూ..!
---------------
ఆమె సరేలే
అనగానే కవిత
పొంగి పొర్లింది.
---------------
ఆమె లేకుండా
అక్షరావిష్కరణ
వల్ల కాలేదు.

ఎటో తీస్కెళ్ళి..!

ఏటి ఒడ్డున సాయంకాలపు గాలి ఎటో తీస్కెళ్ళి..! ---------------
గోదారి ఒడ్డు తోడొచ్చిన పడవ ఎటోతీస్కెళ్ళి..! ---------------- తెరచాపలు చెలరేగుతూ గాలి ఎటో తీస్కెళ్ళి..!

కొమ్మను ..

కొన్ని మొగ్గలూ
ఒక పువ్వు -కొమ్మను
అమ్మను చేస్తూ..!
-------------
పూలగుత్తులు
నేలపై తారాడుతూ
సేదతీరుతూ..!
----------
మంచుపువ్వులు
ఆకు అరచేతిలో
ఉండిపోనివ్వు..!

అమ్మ ..

అమ్మకు..
పెంకుటిల్లు ..తాజ్ మహల్
వంటిల్లు..రాజధాని
పెరట్లో బృందావనం
వరండా ..ఊరందరికీ ఇల్లు
పని వొత్తిడిలో ..దీపస్తంభం
వెళ్ళిపోయాక ..ఆమె సర్వాంతర్యామి ..
-------------------------
మిత్రుడు /కవి ..స శ్రీ కి
-------------------------

విల్లంబు..

వొంగి ఉన్నానంటే
నీకు లొంగి ఉన్నానని కాదు అర్ధం..
విల్లంబునౌతున్నానని అర్ధం.
నీవైపే ..గురి పెట్టబడుతున్నానని అర్ధం.

పిల్లలా .? పోయిట్రీ నా..?

నీకు
పిల్లలు ఇష్టమా ..పోయిట్రీ నా ?
రెండూను..
పిల్లల్ని చూడు ..
వాళ్ళ కళ్ళల్లో ..నా కవిత్వం ధగ ధగా మెరుస్తోంది ..!
కవిత్వాన్ని చూడు ...
ప్రతి అక్షరంలో ..పిల్లలు మిల మిలా మెరుస్తున్నారు..!!

వెండి వెన్నెల- ఆరు హైకులు

మంచు రేణువు
పచ్చని చిగురాకు
హైకు మెరుస్తూ ..!
.........................
ఏటి అలలు
చిరుగాలి పాటలు
హైకు చేరింది.
.........................
గోరింటాకు
పాప చిట్టి చేతులు
హైకు పండింది.
.......................
వెండి వెన్నెల
చల్లని రాత్రి జోల
నిద్రలో హైకు.
....................
అక్షరాలకి
కవిత్వాన్ని అద్దితే
వచ్చింది హైకు.
....................
అ ఆ యి ఈ లు
దిద్దుకుంటున్న పాప
కావ్యమై హైకు.
........................
అక్షరాలకి
కవిత్వాన్ని అద్దితే
వచ్చింది హైకు.
......................