మా ఊరి హైకూలు

నేను జడలాగిన అమ్మాయిని
మా ఆవిడకి చూపించాను
ఇద్దరూనవ్వుకున్నారు 
----------------------
ఆరో తరగతిలో
నన్ను తిట్టినమ్మాయి
ఇప్పుడు వాళ్లాయన్ని తిడుతోంది
---------------------
చేపలకూర వండింది
వాళ్లాయనకూ నాకూ వడ్డిస్తూ 
నాకో ముక్క ఎక్కువేసింది
------------------
మాఊళ్ళో ఆడపిల్లలు
కాలేజికి రైలెక్కి వెళ్ళేవాళ్ళు
మేం చేలోదిగి చేతులూపేవాళ్ళం
------------------------
 పొన్నాయిపూలచెట్టు కింద
ఆడపిల్లల చెవుల్లో
సన్నాయి ఊదేవాళ్ళం
-------------------------
ఆ బారాటిపిల్ల
ఊరొదిలి వెళ్ళాక
ఒక్క పాటనూ రాయలేదు
----------------------
మా ఊరు వెళ్తే  చాలు
చిన్నప్పటి చిలిపి జ్ఞాపకాలు
అల్లుకొని  వెళ్ళనివ్వవు
-----------------------