మళ్ళీపూసాయి haikoolu

మబ్బుచాటుకి


చ౦ద్రుడెళ్ళిపోయాడు

వెన్నెలనిచ్చి

-------------------

నీహృదయాన్ని

సువిశాల౦గాఉ౦చు

వెన్నెలొస్తు౦ది

-----------------

పియానొమెట్లు

పాటలతో తడిసి

ఊరడిల్లాయి

----------------

పూలతోటలు

తుమ్మెదలువెళ్ళాక

మళ్ళీపూసాయి

----------------

Haiku ఒక తుమ్మెద

తాగి తుమ్మెదా

తేనెనిచ్చిన పువ్వులూ

మత్తిల్లినాయి.

---------

ఒక తుమ్మెద

తేనె నిండిన పూలూ

పొద్దుచాల్లేదు

-------------

మకరందాన్ని

తుమ్మెదకిచ్చి, పువ్వు

సేదదీరింది .

------------

విచ్చిన పూలు-

తుమ్మెదలొస్తాయని

ఎలా తెలుసు ?

-----------

తుమ్మెద వచ్చి

ఒక పాట పాడింది

పూలు ఊగాయి .

---------------

పూలరేకులు

దిగులుపడ్తున్నాయి

తుమ్మెద రాలె

------------------

పూలగుత్తులు

తచ్చాడుతూ తుమ్మెద

మంచుతెరలు

---------------

ఏం జరిగిందో!?

తుమ్మెద కాళ్ళనిండా

పూలపుప్పొడే !

----------------

పూలగుత్తులు

వాటిమీద  తుమ్మెద

కరిగే మంచు ..

-----------------

పూలకొమ్మలు

మత్తిల్లిన తుమ్మెద

వెళ్ళనివ్వవు..

---------------

మళ్ళీ  తుమ్మెద

వచ్చివాలిన గుర్తు

అంతా పుప్పొడే ..

----------------

తుమ్మెదకిక

వీడ్కోలు చెప్తూ  మంచూ

మల్లెపువ్వులు ..

---------------

ఆమె అందమొక కేంద్ర బిందువు .......

ఆమె అందమొక కేంద్ర బిందువు లేని వృత్తం


పసుపచ్చని నీరెండలో లీలగా వెలసిన సన్నని వర్షం

చిమ్మచీకట్లో సుతారంగా అంతర్లీనమైన కాంతిపుంజం

పండువెన్నెల్లో వెల్లివిరిసిన  ముద్ద మందార పుష్పం

ఇంత తీరాన్ని కొంత దూరం వొదిలివెళ్ళిన కల్లోల సముద్రం

నున్నగా జారే వేయి వొంపుల్ని సొంతం చేసుకున్న మరకత శిల్పం

పదునుతో రెండువైపులా మెరుస్తోన్న రత్న ఖచిత సౌందర్య ఖడ్గం

తిరిగిరాని నీ కోసం

నీవు నా  ఎదుట ఉన్నప్పుడు
నీ కోసం ఆలోచించని నేను
నీవు నన్ను విడిచి  వెళ్ళాక
నీ కోసం ఆలోచిస్తున్నా.. తిరిగిరాని నీ కోసం !

ఏడురంగుల్ని

సీతాకోక చిలుక


కొన్ని రంగుల్ని

పూలతోటకిచ్చింది.

-------------

ఇంద్రధనసు

ఏడురంగుల్ని

ఇటునుంచి అటు విసిరేసింది.

---------------

సాయంకాలం

అరుణకాంతుల్ని

రేపటికిచ్చింది

ఆమె పాదముద్రల్ని

తడవతడవకీ అలలు


తీరానికి చేరి

ఆమె పాదముద్రల్ని వెతుకుతున్నాయి .

--------------------

పూలకొమ్మలు

తెగ ఊగి ఊగి

ఆమె పాదముద్రల్ని దాస్తున్నాయి.

--------------------

రాత్రంతా వాన చినుకులు

కురిసి కురిసి

ఆమె పాదముద్రల్ని చెరిపేసాయి

oka haiku

oka haiku

స0గీతానికీ


మాతృభాష ఉన్నది

అది మౌనమె....