వెన్నెల

దొసిళ్ళనిండా వెన్నెల --
దారి చూపెడుతూ నక్షత్రాలు--
ఊరవతల వెంటాడే ఒంటరితనం--
తోడుగా తాడిచెట్ల బారాటి నీడలు --
నల్లటి రాత్రిని తుడిచేస్తూ చంద్రుడు--
తెల్లవార్లూ వెన్నెలని దాచిపెట్టి-
ఆడుకునే పాపకిచ్చాను --
పాప నవ్వులముందు
వెన్నెల వెల వెల బోయింది --
నా ఒంటరి తనాన్ని చీకట్లోకి విసిరేసాను.

వెన్నెల ..!

చప్పుడు లేని చీకటి
మౌనాన్ని దిగమింగుతూ గది
మూలగా దీపం వెలుగుతూ ..
లీలగా ఆమె రూపం ..దీపం వెల్తుర్లో ..
వెనుక అగరొత్తుల పొగ సాగుతూ
వొత్తైన ఆమె కురులని సర్దుతూ అతని వేళ్ళు
మెరుస్తోన్న చెమట చుక్కల్ని తుడుస్తూ ముని వేళ్ళు
కరుగుతున్న కుంకుమ అతని వేలిపై
గోడపై రెండు నీడలు --ఒకటి ఔతున్నట్లుగా
అదిరిపడే పెదవులు మెల్లగా ముడుచుకుంటూ
పెదవులపై తారాడుతూ పెదవులు
మళ్ళీ దీపం వైపు ...
దీపం మెల్లగా వణికి పోతూ
మెల్లగా వెలుగు చీకట్లోకి జారుతూ
ఇంకా మెల్లగా చీకటి వెలుగులో కరుగుతూ
మెల్లగా సాగే నల్లని మబ్బేదో
వేల్లువౌతున్న వెన్నెల్ని
మృదువుగా ముంచేస్తూ..

-



వెన్నెల్ని మృదువుగా ముంచేస్తో..