నా నువ్వు- నీ నేను

నేనుతనంలో నువ్వు,నువ్వుగా నన్నుచేరుకొని ,నేను నేనుగా లేని క్షణంలో
నువ్వు నన్నుగా చేదుకొని ,నా నువ్వుగా ,నీ నేనుగా కలసిన వైనంలో
అనేకనేనులుగా విడిపోతున్న కాలంలో ,నువ్వు ఒక్క సారిగా మేల్కొని
వివిధనేనుల్ని ఏకంచేసి ,ఒకేఒక్క నువ్వు ,ఒకేఒక్క నవ్వుతో నన్నే ముడివేసి
కొన్నివేల నువ్వులుగా మారిన నువ్వు ,అనంత ప్రేమని పంచి ఇచ్చి
ఈ ఒక్క నేనుని అనురాగ ధారల్లో పడవేసి
నేనే నువ్వని- నువ్వే నేనని ,నేనుగా వేరే లేనేలేనని
నీవుగా నాలోలేని నేను, నేనుగా అసలు ఉన్నా లేనని
తెలిసిన అపురూప సమయంలో
నాకు నేనుగా నేకు ఇవ్వనా
అక్షరాలలోపెట్టి ఈ కవితని చిన్ని కానుకగా...!?