ఉండటం
లేకపోవటం
రెండూ నిజమైన అబద్దాలే ..!
ఎంత ఉండాలనుకున్నా
లేకుండాపోయిన సందర్భాలేన్నిలేవూ..?
లేకుండా ఉండాలని
ఎంత ప్రయత్నించినా
ఉండలేక నిట్టూర్చిన సమయాలేన్నిలేవూ..?
ఉండటం-లేకపోవటం
రెండుతీరాలు ప్రాణనదికి..
నదేలేనప్పుడు
తీరాలు నిస్సహాయంగా
ఉండీ లేనట్టుగా ఉంటాయి.
తీరా ఇప్పుడు తీరాలు లేవు.
నది ఉన్నా లేనట్టుగా
తెలియని చోటుకు ప్రవహిస్తోంది.
No comments:
Post a Comment