Monday, October 24, 2011

రెండు పూలు

వికసిస్తున్న పువ్వుకు
రేపురాలుతున్న సంగతి తెలీదు.
తెలిస్తే ..ఇంకా వికసిస్తుంది కదూ...!
---------------------------------
రాలుతున్న పువ్వులు
మనిషిని చూసి జాలిగా నవ్వుతాయి..
కానీ, కవిని చూసి
ఇంకాసేపు గర్వంగా మళ్లీ పూస్తాయి..!
----------------------------------  రెండు  పూలు

Sunday, October 23, 2011

బాల్యంలోకి ...!


నా చేయిపట్టుకొని
నడిపిస్తోంది పాప ..
తన బాల్యంలోకి 
తీసుకెళితే బావుణ్ణు..!

ఆమె మౌనంగా

అతడు ఆమెను జయి౦చాదు
గుండెల్లో గుచ్చుకున్నాడు
కన్నీళ్లు రప్పించాడు
 చాన్నాళ్ళ తర్వాత తెలుసుకున్నాడు..
ఆమె మౌనంగా ఉండటమంటే
తనెప్పుడో ఓడిపోయి
ఆమె పాదాల దగ్గర
తలతెగి పడి ఉన్నాడని... 

Thursday, October 20, 2011

కవిత్వముంది .

మల్లెలలోన
ఆమె నవ్వుల లోన 
కవిత్వముంది .

వెన్నెలలోన 
ఆమె కన్నులలోన
కవిత్వముంది .

వేకువలోన
ఆమె చూపులలోన  
కవిత్వముంది .

Thursday, October 13, 2011

కవిత్వమేగా....!

ఆమె వెళ్ళాక
మరి రాను అన్నాక
కవిత్వమేగా....!
------------------
 
ఆమె వెళ్ళాక
తొలిగాయమయ్యాక 
కవిత్వమేగా....!
-------------------
చీకటి రాత్రి
ఆమె ఉండని రాత్రి
కవిత్వమేగా....!
-------------------