కొంచెం ...

కుంచె మొన కొంచెం ..
కదిల్తే రంగుల ప్రపంచం..
==============
కాగితం నా పొలం
కలం నా హలం
కవిత అందరి ఫలం ..!
==============
కనురెప్పల దూరం --ఇంత
కనువిప్పుకు లోకం --అనంత
===============
"అ " అంటే అక్షరం
పదాలుగా కదిలితే కావ్యం
==============
ఒంటరిగా నడిస్తే ..అది నడక
నలుగురితో నడిస్తే --అది బ్రతుకు.
==================
కవిత మొదలైనప్పుడు నీది
ముగుసినాక --అందరిది.
===============

చినుకు

వాన చినుకు
ఎదలోపల పడి
ముంచివేసింది .
************
మంచుమొగ్గలు
గడ్డి పోచలపైన
మెరుస్తున్నాయి .
************
రోజంతా వాన
పనిలో పడి
మునిగింది గది.
*************

చినుకు