జన్మనిచ్చేది ...

జన్మ నిచ్చేది
అమ్మ ఒక్కటే కాదు..
అక్షర౦ కూడా..!
ఈ రోజు నా జన్మ దినం.
యాభై వస౦తాలు నిండిన క్షణం ..
ముందుకు పొతే ముసలి తనం..
వెనక్కి వెళితే పసిడితనం..
ఇలా ఉండిపొతే ఎంత బావుంటుందీ క్షణం..!

ఓ పువ్వు రాలుతు౦ది ....

నన్ను ఈ దారినే వెళ్ళనివ్వండి ..
ఇరువైపులా ఎదిగిన చెట్లు
నన్ను గుర్తుపట్టి
ఇంత నీడనీ -కొన్నిపూలనీ ఇచ్చాయి కదా ..!
---నాదోసిళ్ళ లోంచి
కాసిని నీళ్ళు పోసిన జ్ఞాపకం
నీడలా పరచుకుంది కదా ..!
కంచెవేసి కాపలా కాసానని
పూల పరిమాళాలని పంచింది కదా..!!
----నన్ను మోసు కెళ్ళేపుడు
ఈ దారినే వెళ్ళండి ..
ఒక్క క్షణమైనా
ఓ చెట్టు నీడలో ఆపండి.
తప్పకుండా ఓ పువ్వు రాలుతుంది నాపైన.