బారాటి నీడ...!

వస్తాడన్న సమయానికి
రాలేదన్న సందర్భానికి -మధ్య
తీరని తాపత్రయ అగాధముంది.
వస్తాడన్న ఆశకి
రాలేడన్న వార్తకి -మధ్య
కనిపించని గాయాల బాధ ఉంది
నిన్నటివరకు బాగానే ఉన్నాడు
మళ్ళీ వస్తాననే వెళ్ళాడు
చాలా బారాటి నీడని కన్నీటి వెనుక వొదిలి
ఇప్పుడేమో ఓ జ్ఞాపకం లో ఉండిపోయాడు .

గత నెల తొమ్మిదిన నా మిత్రుడు జాస్తి శ్రీ కృష్ణ వరప్రసాద్ -జాకీ
అమ్మని కూడా వదలి వెళ్లిపోయాడని ,
చాలా 'దూరం ' వెళ్లిపోయాడని తెలిసి
ఇలా అక్షరాలలో వెతుక్కుంటూ ..